TRABALLAMOS CO XORNAL! 

Hoxe, os alumnos e alumnas de 2º de ESO estiveron traballando cos xornais de "La Voz de Galicia".Escolleron algunha noticia que lles chamou a atención e fixeron algunhas reflexións sobre as noticias escollidas. 
Aquí vos deixamos o documento gráfico que o demostra:

Club de lectura

 No club de lectura xa temos posto en marcha un novo proxecto en torno ao libro que limos. 

Estade atentos!

Día Internacional do Libro no Colexio Abrente

Para celebrar o Día Internacional do Libro os alumnos de Educación Infantil e Secundaria vestiron de cores e historias os corredores do noso centro. Grazas rapaces!

Os alumnos e alumnas da ESO participaron no Día Internacional do Libro realizando diferentes actividades a través do Departamento de Linguas Oficiais e da biblioteca do centro. Unha destas actividades foi a elaboración de lombos de libros coñecidos ou daqueles que máis lles gustaron, desde clásicos a novelas xuvenís. 

Tamén os alumnos de Educación Infantil fixeron un bonito debuxo do seu conto favorito. Quedaron moi chulos, porque non hai nada que nos guste máis que unha boa historia, contada, lida ou inventada. 

RETO LECTOR: RECOMENDACIÓNS FEBREIRO

 Como sabedes temos en marcha un novo reto na biblioteca! Deixamos por aquí as recomendacións coa temática establecida para o mes de febreiro, a fantasía!

Desexamos que desfrutedes desta nova aventura!

RETO LECTOR: RECOMENDACIÓNS DE XANEIRO

Como sabedes temos en marcha un novo reto na biblioteca! Deixamos por aquí as recomendacións coa temática establecida, neste mes: cómic.

Desexamos que desfrutedes desta nova aventura!

Gañadores concurso Samaín

 Os rapaces fixeron uns debuxos e relatos arrepiantes! 

O concurso de Samaín foi todo un éxito, participaron moitos nenos e nenas e fixeron uns debuxos e contos moi orixinais e terroríficos. Despois de deileitarnos coas súas creacións, hoxe demos os premios aos gañadores de cada unha das catro categorías.

EI e 1ºEP: Leo Padín (5 anos)

2º e 3º EP: Álvaro Moldes (2º EP)

4º, 5º e 6º EP: Carlota González (5º EP)

ESO: Bianca Basdediós (4º ESO)

Aquí vos deixamos unha foto dos gañadores e as súas creacións.

Aquí tedes á gañadora do concurso de cómic!

 

Claudia Rosal (1º ESO) é a gañadora do concurso de cómic! 

Aquí a tedes hoxe recibindo un detalliño e mostrando con orgullo o seu cómic.

Deixámovos tamén os divertidísimos cómics que fixeron os compañeiros. 

Fixádevos na calidade dos seus deseños e a creatividade das súas historias! 

    

CREA O TEU CÓMIC

XA ESTAMOS DE VOLTA! CARGADOS DE NOVOS CONCURSOS, ACTIVIDADES E RETOS! 

COMEZAMOS POLA CREACIÓN DUN CÓMIC, NO QUE O PROTAGONISTA DEBE SER A NOSA MASCOTA DA BIBLIOTECA E TERÁ QUE MOSTRARNOS TODAS AS MEDIDAS DE SEGURIDADE QUE TEMOS NO CENTRO! 

ANIMÁDEVOS! TEREMOS PREMIO!