Día das Letras Galegas - Nova Radio Abrente

O Equipo de Dinamización Lingüística do Centro, comunicámosvos que mañá venres 14 de maio ás 12:30h. imos pór en marcha o proxecto ilusionante da NOVA RADIO ABRENTE. 

Este primeiro programa xirará ao redor da figura da escritora homenaxeada no Día das Letras Galegas deste ano: Xela Arias. 

Por el pasarán alumnos e alumnas de todas as etapas educativas do Colexio coa intención de entreter, informar, dar a coñecer as nosas escritoras e escritores, os nosos costumes e, en definitiva, divulgar a nosa cultura.
Esta nova etapa ten como novidade que se poderá seguir en directo tanto o audio como a retrasmisión das súas imaxes a través do enlace http://colexioabrente.com/radioabrente

Esperamos que sexa do voso agrado e o desfrutedes.

RADIO ABRENTE: Programa TEA co club de lectura

Hoxe deixamos o programa de radio que elaboramos dende o club de lectura con motivo da lectura do libro O Curioso Incidente do Can a Media Noite, en colaboración coa radio do centro. Neste programa coñeceremos máis en profundidade o Autismo. 

Escoitanos en Radio Abrente! 

 

Club lectura, TEA e Radio

Aproveitando a lectura do libro O Curioso Incidente do Can a Media Noite no noso club e a proximidade da celebración do Día Mundial do Autismo, un grupo de alumnos de 3º ESO prepararon e grabaron un programa de radio para informar e concienciar á comunidade educativa. 

Os rapaces presentaron o trastorno, as principais características e os axentes involucrados na axuda para unha mellor adaptación. Falaron do libro, escrito dende a perspectiva dun neno diagnosticado con TEA e puxeron máis exemplos que podemos atopar en soporte audiovisual. Aprenderon moitísimo facendo o traballo de investigación e compartiron o seu coñecemento con todos a través dun programa en Radio Abrente. 

13 DE FEBREIRO DÍA DA RADIO

Durante toda a semana os reporteiros de Radio Abrente estiveron a facer o programa de radio no tempo de recreo. Pois deste xeito conmemoramos o Día Mundial da Radio, proclamado pola UNESCO no ano 2011. 

Pasadevos polo Blog de Reforzo Abrente para escoitar o programa!